Aravot.am-ը Գնահատման եւ թեստավորման կենտրոնի (ԳԹԿ) արտաքին համագործակցության բաժնի առաջատար մասնագետ Գոհար Չալումյանից տեղեկացավ, որ Հայոց լեզու եւ գրականություն առարկայի քննության ժամանակ մեկ դիմորդ հեռացվել է քննասենյակից, իսկ 4-ը բացակայել են՝ հիվանդության պատճառով:
Ինչ վերաբերում է հեռացված դիմորդին, Գոհար Չալումյանի ասելով, պատճառը վարքն է եղել: ԳԹԿ ներկայացուցիչը նաեւ տեղեկացրեց, որ հունիսի 9-ին կայացած Ֆիզիկա առարկայի քննության արդյունքները կկախվեն կիրակի օրը՝ հունիսի 14-ին, իսկ բողոքարկումը կլինի երկուշաբթի օրը՝ հունիսի 15-ին:
Քննական կարգի համաձայն` քննությունների արդյունքները հրապարակվում են տվյալ քննությունից հետո` 5-րդ օրը: Պաշտոնական հրապարակման հաջորդ օրն իսկ դիմորդը կարող է բողոքարկել` ժամը 9-18-ը` նույն կենտրոնում, որտեղ հանձնել է քննությունը:
Գոհար ՀԱԿՈԲՅԱՆ
