Եվրոպայի խորհրդի նախարարների կոմիտեն հայտարարություն է տարածել Մարդու իրավունքների եվրոպական դատարանում Հայաստանին հաղթած Գրիշա Վիրաբյանի գործի վերաբացման կապակցությամբ:
Հիշեցնենք՝ Գրիշա Վիրաբյանը 2004 թվականի ապրիլի 23-ին բերման է ենթարկվել ոստիկանության Արտաշատի բաժին։ Ոստիկանությունում նրան ծեծի էին ենթարկել, իսկ հաջորդ օրը անգիտակից վիճակում տեղափոխել են հիվանդանոց, որտեղ նրան վիրահատության են ենթարկել։ 2012 թվականի հոկտեմբերի ամսին հրապարակված վճռով ՄԻԵԴ-ը կառավարությանը պարտավորեցրել էր Գրիշա Վիրաբյանին 31 հազար եվրո փոխհատուցում տալ:
ԵԽ նախարարների կոմիտեն այսօր տարածած հաղորդագրությունում հետաքրքրություն է ցուցաբերել գործի վերաբացման կապակցությամբ եւ Հայաստանի իշխանություններին կոչ է արել անհապաղ եւ անմեղության կանխավարկածի պահպանմամբ քննություն իրականացնել:
ԵԽ-ն Հայաստանի իշխանություններին նաեւ կոչ է արել, որ ապահովեն քննության արդյունավետ, անկախ, ադեկվատ եւ օբյեկտիվ ընթացքն, որը պետք է ուղղված լինի դիմումատուի նկատմամբ վատ վերաբերմունքի հնարավոր քաղաքական դրդապատճառները բացահայտելուն: Նրանք նաեւ խնդրել են ԵԽ-ին տեղյակ պահել գործի ընթացքի մասին:
Կարդացեք նաև
ԵԽ նախարարների կոմիտեն նաեւ գոհունակություն է հայտնել Հայաստանի քրեական օրենսգրքում կատարված փոփոխությունները, որոնցով քրեականացվում են պետական պաշտոնյաների կողմից իրականացված խոշտանգումները եւ կոչ է արել իշխանություններին ցույց տալ հաջորդ քայլերը եւ մնացած նախագծերի ընդունման ժամանակացույցը եւ դրանք անհապաղ ընդունել:
Պատրաստեց Աշոտ ԻՍՐԱԵԼՅԱՆԸ
