Այսօր ԱԺ ճեպազրույցների ժամին ՀՀ ԱԺ «Ժառանգություն» խմբակցության պատգամավոր Թևան Պողոսյանը, անդրադառնալով Բաքվում մեր օլիմպիական թիմի մասնակցությանը, նշեց. «Օլիմպիական խաղաղություն մաղթենք ոչ միայն թշնամուն, այլև ինքներս մեր մեջ դա անենք ու մաղթենք իրենց հաղթանակներ, քանի որ այսօրվա դրությամբ առաջին գիծը ինչ-որ չափով տեղափոխվել է նաև Բաքու»:
Հարցին՝ ի՞նչ է նշանակում ԵԽԽՎ-ի բանաձեւի նախագծում այն դրույթը, թե «Հայաստանը օկուպացրել է Ղարաբաղը», պարոն Պողոսյանն ասաց. «Թերացել է մեր դիվանագիտությունը և խորհրդարանական պատվիրակությունները: Բայց այդ զարգացումների խնդիրը չբարդենք միայն մեր պատվիրակների վրա, քանի որ Ադրբեջանը կարողացել է ԵԽԽՎ-ում այնպիսի լոբբիստական աշխատանք տանել՝ խավիարային դիվանագիտությամբ, որ ունենանք նման իրավիճակ»:
Պարոն Պողոսյանը հայտնեց, որ նման ձևակերպումներն առաջին անգամ չեն, որ տեղի են ունենում: Ըստ Թևան Պողոսյանի պետք է բացատրենք աշխարհին, թե ինչպիսին է Ադրբեջանում ժողովրդավարության, մարդու իրավունքների, լրատվամիջոցների ազատության մակարդակը:
Հարցին՝ հնարավո՞ր է ԵԽԽՎ-ն մեկ այլ փաստաթղթով նշի, որ Հայաստանը չի օկուպացրել Ղարաբաղը, պարոն Պողոսյանը դա չբացառեց:
Կարդացեք նաև
Տաթև ՀԱՐՈՒԹՅՈՒՆՅԱՆ
