Գլոբալիզացիայի եւ տարածաշրջանային համագործակցության վերլուծական կենտրոնը հունիսի 11-ին միջազգային գիտաժողով էր կազմակերպել: Գիտաժողովի գլխավոր թեման էր «ՆԱՏՕ-Հայաստան հարաբերությունները նոր մարտահրավերների կոնտեքստում»:
Միջոցառմանը ներկա էր նաեւ ՆԱՏՕ-ի տեղեկատվական եւ հասարակայնության հետ կապերի բաժնի ղեկավար Գերլինդա Նեուսը: Նա լրագրողների հետ զրույցի ընթացքում ասաց, որ Հայաստանը ՆԱՏՕ-ի համար շատ կարեւոր գործընկեր է: Նա նկատեց, որ Հայաստանը ՆԱՏՕ-ի հետ աշխատել է Աֆղանստանում եւ Կոսովոյում. «Միասին դեռ աշխատում ենք նաեւ անվտանգության ոլորտում եւ դեռ շատ հաջողություններ ունենք, որոնք ապագայում կգրանցենք»:
Գերլինդա Նեուսը նշեց, որ Վարշավայում կայանալիք գագաթնաժողովի հիմնական հարցերը լինելու են Արեւելքից վտանգները, մասնավորապես՝ Ռուսաստանի ագրեսիան Ուկրաինայի նկատմամբ, նաեւ Հարավից եկող սպառնալիքները, որոնք հիմնականում գալիս են Լիբանանից, Իրաքից,Սիրիայից:
«Մենք քննարկում ենք, թե Ռուսաստանի հետ հարաբերությունների ինչպիսի ռազմավարություն պետք է մշակել: Այս հարցին դեռ որեւէ հստակ պատասխան չկա: Ոմանք Ռուսաստանը համարում են ագրեսոր, իսկ ոմանք էլ համարում են, որ Ռուսաստանի վարած քաղաքականության տարրերը կարող են լինել համագործակցության տարրեր: Այնուամենայնիվ, մենք դեռ այս հարցը քննարկում ենք, այս ամենը հստակ կքննարկվի Վարշավայի գագաթնաժողովի ընթացքում»,- ասաց նա:
Կարդացեք նաև
Ամի ՉԻՉԱԿՅԱՆ
