ՀՀ ԱԺ-ն քննարկում է Ողջիի, Փխրուտի, Արծվանիկի պոչամբարներում կուտակված եւ կուտակվող, ինչպես նաեւ «Զանգեզուրի պղնձամոլիբդենային կոմբինատ» փակ բաժնետիրական ընկերության գործունեության արդյունքում գոյացած եւ գոյացող արտադրական լցակույտերի մշակման ներդրումային ծրագիրը:
Պոչամբարների վերամշակման հետ կապված պատգամավորները հնչեցրին բազմաթիվ մտահոգություններ:
ՀՀ էներգետիկայի և բնական պաշարների նախարարի տեղակալ Արեգ Գալստյանը նշեց, որ ծրագրում ներգրավելու են արտասահմանցի փորձագետներ, հոկտեմբերին ստանալու են մաստեր պլան:
ՀՀ ԱԺ ԲՀԿ խմբակցության պատգամավոր Վահան Բաբայանը հետաքրքրվեց` լցակույտերը այս պահին ի՞նչ ռիսկեր ունեն, եթե դրանք կոնսերվացված են և արդյոք Սյունիքի բնակչությո՞ւնն է աշխատելու այդ ծրագրում:
Կարդացեք նաև
Արեգ Գալստյանը պատասխանեց. «Օրենքում կա համապատասխան հոդված ու դրույթ, որ համապատասխան պայմանագրային հարաբերություններ կունենան ներդրողն ու իրավասու մարմինը՝ որպես պոչամբարի ինժեներ: Պայմանագրով ներդրողը ստանձնելու է բոլոր պարտավորությունները էկոլոգիական, տեխնիկական և տեխնոլոգիական ռիսկերը փոխհատուցելու առումով»:
Փոխնախարարը վստահեցրեց, որ կմեղմացնեն արտաքին միջավայրի վրա ազդեցությունը:
Տաթև ՀԱՐՈՒԹՅՈՒՆՅԱՆ
