Aravot.am-ը Շիրակի մարզպետ Ֆելիքս Ցոլակյանին հարցրեց, թե էլեկտրաէներգիայի թանկացումը ինչպե՞ս կանդրադառնա իր մարզի բնակիչների վրա, որոնցից շատերը, լսելով հոսանքի թանկացման գույժը, արդեն իսկ բռնել են արտագաղթի ճամփան: Այսինքն` ստացվում է, որ քիչ թե շատ փող ունեցող շիրակցիները հեռանում են երկրից, իսկ մարզում մնում են ծայրահեղ աղքատները, որոնք վաղուց էին հրաժարվել էլեկտրաէներգիայից գումար չունենալու պատճառով:
Մարզպետն ասաց, որ հարյուր անգամ արտահայտել է իր կարծիքը՝ ցույց տալով, որ այս թեման իր համար չափազանց ցավոտ է:
Մեր դիտարկմանը, թե վարչապետը հայտարարեց, որ հաշվարկներ կանեն սոցիալապես անապահովներին օգնելու համար, եթե այդպես լինի պատրա՞ստ են ամբողջ Շիրակի մարզին օգնելու, մարզպետը՝ մտահոգ դեմքով, ասաց. «Դրա մասին վաղ է խոսելը, ճիշտ է՝ ես էլ եմ լսել այդ խոսակցությունները, բայց ասեմ, որ թանկացումները միշտ էլ բացասական են լինելու, հետեւանքները՝ ծանր: Իմ կարծիքը սա է՝ որեւէ թանկացում չի կարող սոցիալապես անապահով խավի վրա դրական ազդեցություն ունենալ…Եթե կա էդպիսի ծրագիր, ուրեմն կառավարությունը մտածում է էդ մասին, վարչապետը հենց էնպես չէր ասի»:
Մանրամասները տեսանյութում
Կարդացեք նաև
Նունե ԱՐԵՎՇԱՏՅԱՆ
