«Ամերիկայի Ձայն». Ըստ ամերիկացի վերլուծաբանի՝ Հայաստանը վարում է միակողմանի, ռուսամետ արտաքին քաղաքականություն:
Հայաստանը վաճառելու է Իրան – Հայաստան գազամուղի 41-կիլոմետրանոց Մեղրի – Քաջարան հատվածը Ռուսաստանին, ինչը Մոսկվային հնարավորություն կտա վերահսկել գազի ամբողջ համակարգը Հայաստանում: Ի հավելումն դրա՝ Ռուսաստանը չի կառուցի խոստացված հայ – իրանական երկաթգիծը։
Ռուսաստանը Հայաստանին տարեկան 2 միլիոն խորանարդ մետր գազ է մատակարարում: Իրանը տարեկան 450 միլիոն խորանարդ մետր գազ է արտահանում Հայաստան, որի փոխարեն էլեկտրաէներգիա է ստանում: Թեև հայ պաշտոնյաները պնդում են, որ Ռուսաստանը չի վերահսկելու Իրանի հետ գազի խնդիրները, այնուամենայնիվ, դա մտահոգություններ է առաջ բերել:
Հայ դատի Վաշինգտոնի գրասենյակի տնօրեն Արամ Համբարյանը Հայաստանի ռազմավարությունը տեսնում է բազմավեկտոր զարգացման մեջ: «Այս շաբաթ ականատես ենք Հայաստանի էներգետիկ ոլորտում արտասահմանյան մեծ ներդրումների վերաբերյալ որոշումներիկայացմանը: Մենք հակված ենք բազմակողմ ուղղվածությամբ ռազմավարության զարգացմանը, և որ ներդրումներն ու կողմնորոշումը Հայաստանում հնարավորինս լինեն տարբեր երկրների ներգրավմամբ», – ասում է Համբարյանը:
Կարդացեք նաև
Ամերիկյան արտաքին հարաբերությունների խորհրդի Եվրոպայի ու Եվրասիայի գծով ավագ վերլուծաբան Ուեյն Մերին նշում է, որ Հայաստանի համար Ռուսաստանից կախվածությունը լավագույն տարբերակը չէ։
«Հայաստանը վարում է միակողմանի, ռուսամետ արտաքին քաղաքականություն, որը Հայաստանին դնում է Ռուսաստանից խորը կախվածության մեջ՝ թե ՛ տնտեսական, թե՛ քաղաքական առումներով», – ասում է Մերին:
Նա, սակայն, հավելում է, որ Հայաստանը գտնվում է պատերազմի մեջ և ստիպված է հաշվի նստել ռուսաստանյան ազդեցության հետ ու բարյացակամորեն վերաբերվել դրան։
Տիգրան Մարտիրոսյան
