Ռազմական փորձագետ Դավիթ Ջամալյանի խոսքով՝ Ադրբեջանի կողմից հրադադարի հերթական խախտումը կապված է Բաքվի Եվրոպական խաղերի հետ. «Ենթադրվում էր, որ Բաքվի խաղերի համատեքստում դադար կհաստատվի պետական սահմանին, բայց մենք միշտ էլ ակնկալել ենք ագրեսիայի դրսեւորումներ, ու սկզբունքորեն չի բացառվում, որ խաղերի ընթացքում էլ հրադադարը խախտվի»,- ասաց Ջամալյանը՝ նշելով, որ Բաքվի խաղերի օրերին Ադրբեջանը կփորձի նորից միջազգային հանրության ուշադրությունը սեւեռել Ղարաբաղյան հարցի վրա։
Դիտարկմանը, որ մոտենում է օգոստոս ամիսը, որն անցյալ տարի հրադադարի աննախադեպ խախտումների ամիս էր, փորձագետը պատասխանեց. «Մենք ակնկալում ենք, որ այս անդորրը, որը հաստատվել է, ցավոք սրտի, տեւական լինել չի կարող, ու ամենայն հավանականությամբ Բաքվի խաղերից հետո սկզբունքորեն սպասելի է, որ վիճակը կարող է լարվել։ Մենք այդ սցենարին պատրաստ ենք»:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
Կարդացեք նաև
