«Թուրքիայում կայացած խորհրդարանական ընտրություններից հետո հայտնի չէ, թե Էրդողանի իշխանությունն ավելի կամրապնդվի՞, թե՞ կթուլանա: Եթե Էրդողանը ձեւավորի ուժեղ իշխանություն, նա կպահպանի իր կարծր դիրքորոշումը, հավատարիմ կմնա մինչեւ վերջ իր նախկինում տված խոստմանը հայ-թուրքական սահմանի հարցում:
Ստամբուլի Քադըր Հաս համալսարանի ռեկտոր Մուստաֆա Այդին
Սակայն եթե նրա իշխանությունը թուլանա, ապա հնարավոր է՝ որոշակի շարժ լինի նաեւ Հայաստան-Թուրքիա հարաբերությունների կարգավորման հարցում»,- «Առավոտ»-ին տված բացառիկ հարցազրույցում նման կարծիք հայտնեց Ստամբուլի Քադըր Հաս համալսարանի ռեկտոր Մուստաֆա Այդինը` անդրադառնալով հարցին, թե Հայոց ցեղասպանության 100-ամյակից եւ Թուրքիայում հունիսի 7-ին կայացած խորհրդարանական ընտրություններից հետո Թուրքիայի իշխանությունները հնարավո՞ր է քայլեր ձեռնարկեն Հայաստանի հետ հարաբերությունները կարգավորելու ուղղությամբ:
