Հունիսի 7-ին Նիդերլանդների Ամստերդամ քաղաքի «Մյուզիկխըբաու» և «Պոդիում Մոզաիկ» համերգասրահներում տեղի ունեցան Երևանից ժամանած Գյուրջիևի անվան ժողովրդական գործիքների անսամբլի համերգները` համապատասխանաբար «Հայաստան. Արևելք և Արևմուտք» և «Գյուրջիևի և Կոմիտասի երաժշտությունը» խորագրերով:
Համերգներն անց են կացվում ս/թ. մայիսի 30-ից հունիսի 23-ն Ամստերդամում անցկացվող «Հոլանդիայի փառատոնի» շրջանակներում: Վերջինիս Գյուրջիևի անվան ժողովրդական գործիքների անսամբլի մասնակցությունն իրականացվել է ՀՀ մշակույթի նախարարության օժանդակությամբ և Նիդերլանդներում ՀՀ դեսպանության աջակցությամբ:
Համերգներին կատարվեցին Կոմիտասի, Նարեկացու, Ջիվանու, Գյուրջիևի գործերը՝ անսամբլի գործիքային մեկնաբանությամբ:
ՀՀ ԱԳՆ
