Հայաստանի քաղաքացուն 12 տարվա ազատազրկման են դատապարտել այն բանի համար, որ նա Կրասնոգորսկի «Լերնուա Մերլեն» առեւտրի կենտրոնի տարածքում սպանել է օրենքով գող Դավիթ Մելկաձեին: Այս մասին հաղորդել է «Riamo»-ն:
Ձեռքբերված ապացույցներով` դատարանը Հայաստանի քաղաքացի 27-ամյա Բախշի Պետրոսյանին մեղավոր է ճանաչել սպանության մեջ եւ դատապարտել 12 տարվա ազատազրկման:
Քննիչների տվյալներով՝ Պետրոսյանը անձնական թշնամանքի պատճառով է սպանել Մելկաձեին: Նա իմացել է, որ 2014 թվականի փետրվարի 11-ին Մելկաձեն լինելու էր «Լերնուա Մերլեն» առեւտրի կենտրոնում: Պետրոսյանը զինված գնացել է այնտեղ եւ ավտոմեքենաների կայանատեղիում սպասել է Մելկաձեին:
Երբ Մելկաձեն եկել եւ մոտեցել է մեքենային, Պետրոսյանը նվազագույնը 3 անգամ կրակել է նրա վրա: Երկու փամփուշտ դիպչել է կրծքավանդակին: Հանցագործը զենքը թողել է դեպքի վայրում եւ փախել է, իսկ Մելկաձեն հաջորդ օրը մահացել է հիվանդանոցում:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
