Թուրքիան պետք է նոր ընտրություններ անցկացնի, եթե իշխող Արդարություն եւ զարգացում կուսակցությունը չկարողանա կոալիցիոն կառավարություն ձեւավորել խորհրդարանի երկու ընդդիմադիր կուսակցությունների հետ: Այս մասին, ըստ «Today’s Zaman»-ի, հայտարարել է Ազգայնական շարժում կուսակցության ղեկավարը:
ԱՇԿ-ն, ամենայն հավանականությամբ, իշխող կուսակցության կրտսեր գործընկերը կդառնա, քանի որ Արդարություն եւ զարգացում կուսակցությունը ընտրությունների արդյունքներով կորցրել է իր բացարձակ մեծամասնությունը եւ պետք է կոալիցիա կազմի:
Ազգայնական շարժում կուսակցության նախագահ Դեւլեթ Բահչելին (լուսանկարում) ասում է, որ ուրիշ տարբերակներ էլ պետք է քննարկվեն. «Կոալիցիայի հնարավորություն կարող է լինել Արդարություն եւ զարգացում եւ Ժողովուրդների դեմոկրատական կուսակցությունների միջեւ: Երկրորդ տարբերակով կոալիցիան կարող է բաղկացած լինել ԱԶԿ-ից, Ժողովրդա-հանրապետական եւ Ժողովուրդների դեմոկրատական կուսակցություններից»:
Բահչելին նաեւ հավելել է, որ եթե այս բոլոր սցենարները ձախողվեն, պետք է արտահերթ ընտրություններ անցկացվեն:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
