ՀՀ Ոստիկանությանը ներկայացուցիչներ Հովհաննես Քոչարյանը, Արթուր Մադաթյանն ու Սերգեյ Զաքարյանը հայցադիմում են ներկայացրել դատարան ընդդեմ «SOS Գ/7» հաղորդման հաղորդավար Վիլեն Գայֆեջյանի:
Հայցադիմումում մասնավորապես նշվում է.
«Համացանցի միջոցով հաղորդումը հեռարձակելով և դրա շրջանակներում մեկնաբանություններ ներկայացնելով՝ պատասխանողն, ըստ էության, իրացնում է «Մարդու իրավունքների և հիմնարար ազատությունների պաշտպանության մասին» եվրոպական կոնվենցիայի (այսուհետ՝ Կոնվենցիա) 10-րդ հոդվածով ամրագրված՝ կարծիք արտահայտելու ազատության իրավունքը, որը ներառում է կարծիքը պնդելու, տեղեկություններ և գաղափարներ ստանալու և տարածելու ազատությունը՝ առանց պետական մարմինների միջամտության և անկախ պետական սահմաններից:
Արտահայտվելու ազատությունը ժողովրդակավարական հասարակության էական հիմքն է, համաձայն 10-րդ հոդվածի 2-րդ մասի՝ այն կիրառելի է ոչ միայն «տեղեկատվության» կամ «գաղափարների» նկատմամբ, որոնք ընդունվում են բարեհաճությամբ կամ համարվում են անվտանգ և չեզոք, այլ նաև նրանց, որոնք վիրավորում են, ցնցում կամ անհանգստություն պատճառում:
Կարդացեք նաև
Պատասխանողի կողմից «# SOS Գ/7» տեսանյութում հնչեցված՝ քողարկված արտահայտություններն, ըստ էության, կրում են խուլիգանական բնույթ, քանի որ նրա խոսքի որոշակի բառային բաղադրիչների համադրումից լսարանին ակնհայտ հասկանալի է դառնում հնչեցվող արտահայտության վիրավորական իմաստը: Վիրավորական արտահայտություններն ուղղակի նախորդում և հաջորդում են ՀՀ ոստիկանության 02 լրատվական հաղորդման առանձին դրվագների:
- Պահանջ
Ղեկավարվելով ՀՀ քաղաքացիական օրենսգրքի 1087.1 հոդվածով՝ խնդրում եմ պատասխանողին պարտավորեցնել.
ա) hրապարակայնորեն ներողություն խնդրել ՀՀ ոստիկանությունից
բ) հրապարակայնորեն ներողություն խնդրել ոստիկանության ծառայող Արթուր Մադաթյանից և նրան վճարել փոխհատուցում նվազագույն աշխատավարձի 1000-ապատիկի չափով:
գ) հրապարակայնորեն ներողություն խնդրել ոստիկանության ծառայող Սերգեյ Զաքարյանից և նրան վճարել փոխհատուցում նվազագույն աշխատավարձի 1000-ապատիկի չափով:
Համահայցվորներ՝ ՀՀ ոստիկանության ներկայացուցիչ՝
- Հովհաննես Իշխանի Քոչարյան
- Արթուր Ռաֆիկի Մադաթյան
- Սերգեյ Ժորիկի Զաքարյան
