Եվրասիական տնտեսական միության հարցի շուրջ Բաքվի դիրքորոշումը թույլ չի տալիս շահարկումներ: Այս մասին, ըստ Day.az-ի, հայտարարել է Ադրբեջանի Միլի Մեջլիսի պատգամավոր, քաղաքագետ Ռասիմ Մուսաբեկովը: «Բաքուն հստակ արտահայտել է իր դիրքորոշումը ԵՏՄ-ի շուրջ. Հայաստանի հետ միասնական տնտեսական տարածքում գտնվելը, մինչեւ մեր օկուպացված տարածքների ազատագրումը, անհնար է»,- մասնավորապես ասել է նա:
Ադրբեջանցի քաղաքագետը, մասնավորապես, անդրադարձել է Հայաստանում գտնվող ռուս քաղաքագետ Սերգեյ Կուրղինյանի ԵՏՄ-Ադրբեջան հարաբերությունների վերաբերյալ կատարած մեկնաբանություններին:
Մուսաբեկովը ասել է, թե Youtube-ում տեղադրված տեսանյութը դիտելիս պարզ է դառնում է, որ «Կուրղինյանի խոսքը հետաքրքրություն եւ ուշադրություն չի առաջացրել նույնիսկ հատուկ հրավիրված լսարանի համար: Խոսել է ինչ ուզում է, Կուրղինյանի եւ նրան լսողների գործն է: Ինչ վերաբերում է ԵՏՄ-ի վերաբերյալ Բաքվի դիրքորոշմանը, ամեն ինչ հստակ է եւ շահարկում թույլ չենք տա»:
Ադրբեջանի պատգամավորը նաեւ հավելել է, որ Հայաստանի եւ Ադրբեջանի միջեւ որեւէ հարաբերությունների բացակայության, փակ սահմանների եւ Լեռնային Ղարաբաղի հակամարտության խաղաղ կարգավորումը ձախողելու դեպքում, նոր պատերազմի վտանգի պայմաններում բացառված է Ադրբեջանի անդամակցությունը ԵՏՄ-ին, որը ենթադրում է միասնական մաքսային տարածք եւ ավելի սերտ տնտեսական ինտեգրացիա:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
