Սիրիայի նախագահ Բաշար ալ-Ասադը ասել է, որ Թուրքիայի նախագահ Ռեջեփ Թայիփ Էրդողանը մարդասպան օսմանցիների ներկայացուցիչ է, որոնք մեկ դար առաջ կոտորել են: Այս մասին հաղորդում է «Tasnimnews»-ը:
Սիրիայի նախագահը նաեւ զուգահեռներ է անցկացրել հայերի հետ 100 տարի առաջ տեղի ունեցածի եւ այսօր սիրիացիների առջեւ կատարվող դեպքերի միջեւ: Նա ասել է, որ Թուրքիայի ղեկավարը եւ իր կառավարությունը ինչպես հայերին սպանելիս, այնպես էլ այսօր Սիրիայի ժողովրդի դեմ նույն գործիքն են օգտագործում:
Հաղորդվում է, որ Ասադը այս դիտարկումներն արել է Սիրիա ժամանած ՀՀ ազգային ժողովի Հայաստան-Սիրիա բարեկամական խմբի հետ հանդիպման ընթացքում:
Բաշար ալ-Ասադը նաեւ զգուշացրել է Միջին Արեւելքում եւ ամբողջ աշխարհում ահաբեկչության աճող վտանգի մասին եւ ասել. «Ահաբեկչությունը սահմաններ չգիտի եւ կանգնած չէ այս կամ այն պետության սահմանին»:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
