Երեկ՝ հունիսի 3-ին, Վեդի քաղաքում կայծակի հարվածից այրվածքներով Երևանի «Էրեբունի» բժշկական կենտրոն են տեղափոխվել Վեդի քաղաքի Կասյան փողոցի 66/2 տան բնակիչներ, մայր ու որդի՝ 53-ամյա Անահիտ Քոչարյանը և 35-ամյա Արշակ Քոչարյանը: Ինչպես հայտնում է ֆոտոլրագրող Գագիկ Շամշյանը, «Էրեբունի» ԲԿ-ի 1-ին վիրաբուժական բաժանմունքի վարիչ, վիրաբույժ, պրոֆեսոր Յուրի Անուշավանի Հարությունյանը նշեց, որ Անահիտ Քոչարյանը ստացել է 1-ին և 2-րդ աստիճանի այրվածքներ որովայնի աջ կեսում՝ գրեթե 4% մակերեսով և գտնվում է հիվանդասենյակում, որտեղ ստանում է համապատասխան հակաայրվածքային բուժում:
Արշակ Քոչարյանը նույնպես ստացել է 1-ին և 2-րդ աստիճանի այրվածքներ ձախ ոտքի շրջանում և հիվանդանոցում ստանում է համապատասխան հակաայրվածքային բուժում: Նրանց երկուսի վիճակը գնահատվում է միջին ծանրության:
Նյութի մանրամասները կարդացեք shamshyan.com -ի կայքում
