Թուրքիայի նախագահ Ռեջեփ Թայիփ Էրդողանը, հունիսի 7-ի ընտրություններին ընդառաջ, շարունակել է հարձակումներ գործել իրեն քննադատող մի շարք անձանց, այդ թվում՝ լրագրողների, հայերի եւ ԼԳԲՏ համայնքի ներկայացուցիչների դեմ եւ նրանց մեղադրել է Ժողովրդական դեմոկրատական կուսակցությանը (ԺԴԿ) սատարելու եւ Թուրքիայի գլխավոր թշնամիները լինելու համար: Այս մասին հաղորդում է «Hurriyet Daily News»-ը:
«Հայկական լոբբին, համասեռամոլները` նրանք բոլորն էլ [քրդական] Ժողովրդա-դեմոկրատական կուսակցության հովանավորներն են, նրանք են հրահրում մարդկանց: Այս խմբին կարելի է դասել Dogan մեդիա խմբին, որն այդ կուսակցության խոշորագույն դաշնակիցն է»,- մասնավորապես ասել է Էրդողանը:
Ենթադրությունները, թե ԺԴԿ-ն, որը կենտրոնանում է քրդական հարցի վրա, կկարողանա ազգային ընտրություններում ստանալ 10 տոկոս ձայն, գլխավոր հարցն է, որից էլ կախված է, թե քանի տեղ կզբաղեցնի իշխող Արդարություն եւ զարգացում կուսակցությունը նոր խորհրդարանում:
Հունիսի 3-ին Էրդողանը կրկնել միջազգային մամուլի դեմ իր անընդհատ խստացող հռետորաբանությունը. «Նրանք նաեւ ստացել են որոշ արտասահմանյան լրատվամիջոցների աջակցությունրը, որոնք Թուրքիան որպես իրենց գաղութ են տեսնում»:
Կարդացեք նաև
Առանց նշելու իշխող կուսակցության անունը, Էրդողանն ասել է, որ բոլոր պետք է գնան եւ ընտրեն այն կուսակցությունն, որն իրենք սիրում են:
Պատրաստեց Աշոտ ԻՍՐԱԵԼՅԱՆԸ
