«Իրավիճակն օր օրի ավելի է ծանրանալու»,- հունիսի 4-ին «Տեսակետ» մամուլի ակումբում լրագրողների հետ հանդիպման ընթացքում հայտարարեց Հայաստանի դեմոկրատական կուսակցության նախագահ Արամ Գասպարի Սարգսյանը:
Նա նկատեց, որ Հայաստանի ֆինանսական վիճակն ահավոր վատ է. «Բյուջեի դեֆիցիտը փակում են նոր վարկ վերցնելով եւ նաեւ նախորդ վարկերը փակելու համար, այլ ոչ թե գործի մեջ դնելու եւ դրանից շահույթ ստանալու համար: Սա մեր առջեւ ծառացած լուրջ խնդիր է: Պետական պարտքն արդեն հինգ միլիարդից անցել է: Ռեալ իրավիճակ չկա, ռազմավարական զարգացման ծրագիր չունի հանրապետությունը, որի շնորհիվ կարողանա հետ բերել իր ֆինանսական կարողությունները եւ վճարել այդ պարտքը»:
Արամ Սարգսյանի կարծիքով՝ անդամակցելով Եվրասիական տնտեսական միությանը Հայաստանի իշխանությունները չհասկացան, թե ինչ են արել. Հայաստանը լուրջ պարտավորություններ ունի. «Մենք միանշանակ վատ վիճակում ենք: Եթե երկրորդ եւ երրորդ եռամսյակներին այս իրավիճակը պահպանվի, մի կասկածեք, որ առնվազն Ղազախստանը եւ Բելառուսը պետք է հարցնեն՝ էս «նախլեբնիկներին» ինչո՞ւ ենք պահում, եթե դուք ոչինչ չեք տալիս:
Անդրադառնալով էլեկտրաէներգիայի սակագնի թանկացմանը՝ նա նկատեց, որ ժողովուրդն արդեն մոռացել է, որ ժամանակին գազի գինն է բարձրացել, այն պայմաններում, երբ Ռուսաստանը գազի գինը երկու անգամ իջեցրել է: Ըստ նրա՝ Հայաստանում ոչ մի տնտեսական մոտեցում չկա. «Այստեղ Ռոբերտ Նազարյանը որպես փաստարկ է բերում այն, որ դոլարի հարաբերակցությունը դրամի նկատմամբ փոխվել է: Երեւի թե նա հաշվի է առնում, որ մենք բոլորս անգրագետ ենք, ուրեմն՝ եթե անգամ քսան ցենտով դրամ-դոլար հարաբերակցությունը փոխվել է, դա չի նշանակում, որ քսանհինգ դոլարի պակասելու դեպքում չեք բավարարվում դրանով, նորից եք ուզում ավելացնել»:
Կարդացեք նաև
Մանրամասները՝ շուտով տեսանյութում:
Ամի ՉԻՉԱԿՅԱՆ
