Այսօր ԱԺ-ում ՀԱԿ խմբակցության քարտուղար Արամ Մանուկյանը քաղաքաշինության ոլորտում 2014-ի բյուջեի կատարման հաշվետվության քննարկման ժամանակ նախարար Նարեկ Սարգսյանին դժգոհեց, որ համակարգում բյուրոկրատական քաշքշուկների շղթա է, օրինակ, ինչ է պետք գյուղացուն, որն ուզում է իր գոմը քանդել:
Նարեկ Սարգսյանը դիտողությունն ընդունեց: Նա ասաց, որ իսկապես, պետք է բյուրոկրատիան կրճատել եւ տեղեկացրեց, որ կառավարությունում նախագիծ ունեն, ըստ որի նախատեսում են հանել օրենքով նախատեսված այն բարդ ընթացակարգերը, նախագիծ եւ այլն, որոնք գործում են:
Արամ Մանուկյանը նաեւ հետաքրքրվեց՝ համաձա՞յն եք, որ հուշարձանների ցանկը հաստատվի ԱԺ-ում: Նարեկ Սարգսյանն էլ պատասխանեց, որ լուրջ անելիք կա հուշարձանների մասով. «Բայց առաջին հերթին պետք է հասկանալ՝ որ շենքն իրավունք ունի լինել հուշարձան եւ ինչ դասի հուշարձան»:
Երբ հաշվետվություն էր ներկայացնում Տրանսպորտի եւ կապի փոխնախարարը, Արամ Մանուկյանն ասաց. «Բոլոր զեկուցողները անմոռուկով են, էդ կառավարության որոշո՞ւմ ա:
Կարդացեք նաև
Վարդան Այվազյանը ծիծաղեց՝ «հիշում եւ պահանջում են»:
Հռիփսիմե ՋԵԲԵՋՅԱՆ
