«2014-ի էքսպորտը 1 մլրդ 665 մլն դոլար, ներմուծումը՝ 3 մլրդ 734 մլն դոլար: Մոտ 2 մլրդի դեֆիցիտ կա, որը պետք է փակվի: Արտաքին ֆինանսավորում կարծես չունենք, եւ դեֆիցիտը հիմնականում փակվում է տրանսֆերտների հաշվին: Բայց ռուբլու արժեզրկման պատճառով տրանսֆերտների ծավալը նվազել է: Եթե տարիներ շարունակ այս դեֆիցիտը կա, ինչ-որ բան չպե՞տք է մտածեք արմատապես վերափոխելու տնտեսության այս մոդելը, թե՞ կարծում եք այսպես կարելի է շարունակել տասնյակ տարիներ»,-այսօր ԱԺ-ում տնտեսական ոլորտում 2014-ի բյուջեի կատարման հաշվետվությունը ներկայացնելիս գլխավոր գանձապետ Ատոմ Ջանջուղազյանին այսպիսի հարց ուղղեց ՀԱԿ խմբակցության ղեկավար Լեւոն Զուրաբյանը:
Ջանջուղազյանը պատասխանեց, որ դինամիկան երբ նայում ենք, արտահանման աճի տեմպը գերազանցել է ներմուծման աճի տեմպին. «Սա կբերի մի իրավիճակի, երբ մենք այլեւս չենք ունենա դեֆիցիտ: Դա գործընթաց է: Երբ կհասնենք մեր իդեալին, չգիտենք, նույն հարցը ձեզ կարող ենք տալ՝ ե՞րբ կհասնենք իդեալին:
Պատասխանը Լեւոն Զուրաբյանին չհամոզեց եւ չգոհացրեց. «Արտաքին ուղիղ ներդրումները երբ նայում ենք, կատաստրոֆիկ անկում է: Դուք համարում եք, որ իրավիճակը շտկվո՞ւմ է, որ զարգացման միտում կա՞: Ես դա չեմ տեսնում, պարազիտ տնտեսություն է»:
Միջամտեց ԱԺ տնտեսական հանձնաժողովի նախագահ Վարդան Այվազյանը. «Մենք տեսնում ենք, պարոն Զուրաբյան»:
Կարդացեք նաև
Հռիփսիմե ՋԵԲԵՋՅԱՆ
