Անդրադառնալով պաշտպանության նախարար Սեյրան Օհանյանին անվանարկող տեղեկություններ տարածողներին՝ ԱԺ հանրապետական պատգամավոր Առաքել Մովսիսյանը (Շմայս) հայտարարել է, թե «լավ կանեն տեղները վեր ընկնեն, թե չէ որ բռնեցինք՝ բռնաբարվելու են»։
«ՉԻ» – Առաքել Մովսիսյանին հասկանալ, իհարկե, կարելի է: Նա, որպես քաղաքական գործիչ, պատրաստ է պաշտպանել իր երկրի պաշտպանության նախարարին եւ մտադիր է հանուն դրա կիրառել իրեն հոգեհարազատ միակ քաղաքական գործառույթը։ Համաձայնվեք՝ շատ ավելի տարօրինակ կլիներ, եթե Շմայսն ասեր «նախարարի մասին ստահոդ տեղեկությունների տարածումը պետք է կանխել բացառապես ՀՀ օրենսդրության շրջանակներում»։ Այ դա իսկապես սենսացիա կլիներ։
Բայց մեզ, բնականաբար, պրն Մովսիսյանի քաղաքական զինանոցն ու գործիքակազմն առանձնապես չեն մտահոգում։ Մեզ մտահոգում է այն հանգամանքը, որ Սեյրան Օհանյանի «թասիբին կանգնում է» Շմայսը։ Այ դա արդեն իսկապես մտահոգիչ է եւ կարող է լրջորեն վնասել պրն Օհանյանի վարկանիշին։
Հոդվածն ամբողջությամբ կարող եք կարդալ «Չորրորդ իշխանություն» թերթի այսօրվա համարում
