Սյունիքի մարզպետ Սուրիկ Խաչատրյանը՝ Լիսկան, մայիսի 2-ին Գորիսի «Սդղի գյոլում» տեղի ունեցած ծեծկռտուքի գործով նախորդ շաբաթ հարցաքննվել է։ Հարցաքննությանը ներկա է եղել նաեւ նրա փաստաբանը։
Փաստաբանի օգնականը հարցաքննությունից մի քանի դրվագ է ներկայացրել։ Մասնավորապես՝ նա փոխանցել է, որ հարցաքննության ժամանակ Սուրիկ Խաչատրյանն ասել է, որ իր որդին՝ Տիգրան Խաչատրյանը, Գորիսում տեղի ունեցած ծեծկռտուքի հետ կապ չի ունեցել, նա ոչ թե մասնակից է եղել ծեծկռտուքին, այլ «կռվի բաժանողն» է եղել: Երեկ, երբ armtimes.com–ի թղթակիցը փորձել է վերը նշված տեղեկությունները ճշտել անձամբ Սուրիկ Խաչատրյանից, նա պատասխանել է. «Ես տենց միջադեպ չգիտեմ, դրա հետ կապ չունեմ, չէի էլ կարող հարցաքննվել»։
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
