Ադրբեջանի հեղինակային իրավունքի գործակալությունը հայտարարություն է տարածել Հայաստանի մշակույթի նախարարի՝ ՅՈՒՆԵՍԿՕ-ում «Քոչարի» պարը հայերի ոչ մշակութային ժառանգություն ճանաչելու հարցի բարձրացման կապակցությամբ:
1news.az-ի փոխանցմամբ՝ գործակալության կայքում նշված է. «Հայերը գողանում եւ որպես իրենց սեփականություն են ներկայացնում Ադրբեջանի ոչ մշակութային ժառանգության օրինակները»:
Գործակալությունը, մասնավորապես, հայերին մեղադրում է ադրբեջանական մի շարք երգերի, պարերի, երաժշտական գործիքների եւ կոմպոզիտորների երգերի «գողանալու» մեջ:
Հեղինակային իրավունքի գործակալությունը նշում է նաեւ, որ «սա ադրբեջանական հինավուրց պարերից մեկը՝ «Քոչարի»-ն, սեփականաշնորհելու առաջին փորձը չէ: «Եվրատեսիլ 2011»-ի եզրափակիչ փուլում Հայաստանի ներկայացուցիչը փորձեց «Քոչարի»-ին որպես հայկական պար ներկայացնել»:
Կարդացեք նաև
Հայտարարությունում նշվում է, որ Համհմու Քաշգարի «Դիվան լուգատ ատ-թուրք» գրքում «քոչարի» բառին տրված է հետեւյալ բացատրությունը. քոչ, այսինքն` ոչխար, քեչմեկ, այսինքն՝ քոչեվել տեղից տեղ: «Չկա պատմական եւ գիտական որեւէ հիմք, որպեսզի ադրբեջանական «Քոչարի» պարը ճանաչվի հայերի մշակութային արժեք»:
Պատրաստեց Աշոտ ԻՍՐԱԵԼՅԱՆԸ
