Հայաստանում Գերմանիայի դեսպան Ռայներ Մորելը հայոց ցեղասպանության բանաձեւի ընդունման գործընթացը Բունդեսթագում ավարտված չի համարում:
«Նախ ասեմ, որ ապրիլի 24 -ին միջոցառումներն իսկապես տպավորիչ էին, արժանի մատուցեցին պատմական դեպքերին: Ընդհանուր առմամբ միջոցառումները պատշաճ կազմակերպած էին, ես ուրախ էի, որ ապրիլի 23 -ին Բեռլինի տաճարում ունեցանք հիշատակի միջոցառում, մատուցվեց պատարագ, մասնակից կողմերից մեկը ՀՀ եկեղեցին էր, սա մի հաջողված պատարագ էր, որի ավարտին ելույթ ունեցավ Գերմանիայի նախագահը: Նա հստակ արտահայտեց իր դիրքորոշումը` ասելով, որ այդ դեպքերը ցեղասպանություն են, և դա թեթևություն բերեց հարցին: Ապրիլի 24 -ին Բունդեսթագը նիստ գումարեց, դոկտոր Լամերտը ցեղասպանություն եզրույթը կիրառեց` խոսելով կատարվածի մասին: Բունդեսթագում չեկան մի վերջնական արդյունքի, որովհետև շարադրանքներն էին տարբեր, դա էր պատճառը, որ բանաձեւը ուղարկեցին արտաքին հարաբերությունների հանձնաժողովին, սա է ներկա փուլը: Կարծում եմ ` կգանք վերջնաարդյունքի: Թե դա երբ կլինի, կդժվարանամ ասել»,- ասաց դեսպան Մորելը:
Արփինե ՍԻՄՈՆՅԱՆ
