Ա. Սպենդիարյանի անվան օպերայի եւ բալետի ազգային ակադեմիական թատրոնը վերջին շրջանում վերածվել է կարծես խառնափնթոր ժանրային միջավայրի: Խաղացանկային թատրոնում անցկացվում են մշակութային եւ բեմարվեստի հետ ոչ մի աղերս չունեցող տարաբնույթ միջոցառումներ եւս: Թատրոնի գերհագեցած լինելու պատճառը Երեւանում համերգասրահների սակավությունն է: Եղածներն էլ, ըստ էության, նպատակին չեն ծառայում: Միայն հասկանալի է «Արամ Խաչատրյան» համերգասրահի «փակ» լինելը, որը զինվում է ժամանակակից գերհագեցած տեխնիկայով: ՀՀ պաշտպանության նախարարության ենթակայության տակ գտնվող ՄՀՀ-ի հատկապես համերգային դահլիճը գործնականում պարապուրդի է մատնված: «Առնո Բաբաջանյան» համերգասրահում անցկացվող երեկոներն էլ միշտ չէ, որ համապատասխանում են այս օջախի հեղինակությանը:
Վերը շարադրվածի առիթով Ազգային օպերային թատրոնի տնօրեն Անդրանիկ Արզումանյանն ասաց, որ իրենք եղած դժվարություններին ըմբռնումով են մոտենում: Նաեւ հավաստիացրեց. «Հնարավորինս ամեն ինչ արվում է նախապես կազմված խաղացանկը առանց փոփոխության հանդիսատեսին ներկայացնելու համար»:
ՍԱՄՎԵԼ ԴԱՆԻԵԼՅԱՆ
Անդրանիկ Արզումանյանի հետ հարցազրույցը
Կարդացեք նաև
«Առավոտ» օրաթերթ
30.05.2015
