Երեւանի Արաբկիր եւ Քանաքեռ- Զեյթուն վարչական շրջանների ընդհանուր իրավասության դատարանում (նախագահող դատավոր Լևոն Ավետիսյան) շարունակվեց ՀՀ ԱԺ պատգամավոր Արամ Մանուկյանի վրա հարձակում կատարելու գործով դատական նիստը:
Հիշեցնենք, որ Արամ Մանուկյանը հարձակման էր ենթարկվել դեկտեմբերի 11-ի երեկոյան՝ ստանալով մարմնական վնասվածքներ: Նաև ՀՀ ոստիկանության Երևան քաղաքի վարչության և Արաբկիրի բաժնի ծառայողների ձեռնարկած օպերատիվ-հետախուզական միջոցառումների շնորհիվ պարզվել է կասկածյալի անձը` 1973 թ. ծնված Արշակ Սվազյան, որը դեկտեմբերի 14-ին, ժամը 7.30-ի սահմաններում, Երևանի Ծովակալ Իսակովի 30 հասցեի մոտից բերման է ենթարկվել ոստիկանություն:
Մեղադրող դատախազ Գագիկ Մարգարյանն իր մեղադրական ճառում միջնորդեց Արշակ Սվազյանին դատապարտել կալանքի երկու ամիս ժամկետով:
Սվազյանի պաշտպան Լիանա Բալյանն իր պաշտպանական ճառում միջնորդեց հաշվի առնել այն մեղմացուցիչ հանգամանքները, որ Արշակ Սվազյանը տան միակ աշխատողն է, նրա որդին ծառայում է ՀՀ զինված ուժերում և հարվածել է Արամ Մանուկյանին նրա վարքագծից դրդված: Լիանա Բալյանը միջնորդեց Արշակ Սվազյանի նվազագույն պատիժը սահմանել տուգանք:
Նիստը հետաձգվեց մինչև այսօր ժամը 14.00-ը: Կլսեն ամբաստանյալի վերջին խոսքը: Հավանաբար այսօր կհրապարակվի նաև այս գործով վճիռը:
Կարդացեք նաև
Տաթև ՀԱՐՈՒԹՅՈՒՆՅԱՆ
