Այսօր ԱԺ առողջապահության, մայրության եւ մանկության հարցերի եւ ֆինանսավարկային եւ բյուջետային հանձնաժողովների համատեղ նիստում առողջապահության նախարար Արմեն Մուրադյանը ներկայացրեց առողջապահությանը հատկացված 2014-ի բյուջեի կատարողականը:
ԲՀԿ պատգամավոր Վահե Էնֆիաջյանը նախարարից հետաքրքրվեց. «Բժիշկը դեղատոմսը դուրս գրելուց կոնկրետ դեղատան հասցե է մատնանշում, որ այդ դեղատնից գնեն, ո՞նց եք այս խնդրի լուծումը պատկերացնում, ո՞նց կարելի է դրա դեմն առնել»:
Արմեն Մուրադյանը պատասխանեց. «Հիմնականում դա պայմանավորված է ֆինանսական շարժառիթներով՝ կապված մոտակա կամ մատչելի դեղատան կամ ստվերային հարաբերությունների հետ: Հնարավոր է ստվեր լինի, բայց այդ գործընթացը կարող է կանոնակարգվել միայն այն ժամանակ, երբ դեղատներում լինի միասնական էլեկտրոնային ցանց»:
Հռիփսիմե ՋԵԲԵՋՅԱՆ
