Մի քանի օր առաջ տարեկան ամփոփիչ ասուլիսի ժամանակ քաղաքաշինության նախարար ՆԱՐԵԿ ՍԱՐԳՍՅԱՆԸ, անդրադառնալով Երեւանի եւ մարզերի դպրոցների շենքերի վիճակին, նշեց, որ դրանց զգալի մասը վթարային է եւ այդ ձեւով շահագործվելու դեպքում՝ ռիսկային:
Ի դեպ, մասնագետները, ինչպես նաեւ վթարային դպրոցների ղեկավար անձնակազմը նույնպես, պնդում են, որ ներկայումս հատկապես քանդման ենթակա դպրոցներում դասապրոցես կազմակերպելը վտանգավոր է, եւ այնտեղ անցկացված ամեն մի օրը թե՛ մանկավարժական անձնակազմի, թե՛ դպրոցի աշակերտների համար ռուսական ռուլետկայի է նմանվել:
Բավական է 5-7 բալանոց երկրաշարժ լինի, եւ վտանգն անխուսափելի կլինի: Բայց միայն երկրաշարժը չէ, որ կարող է պատուհաս դառնալ դպրոցի շենքի համար: Հիշենք՝ դեռ մի քանի տարի առաջ ամրացման ու հիմնանորոգման աշխատանքների ժամանակ փլուզվել էր Կապանի թիվ 2 ավագ դպրոցի շենքը՝ կառուցված 1965թ.: Շենքի չորս հարկերը հավասարվել էին գետնին: Բարեբախտաբար մարդկային զոհեր չէին եղել, քանի որ այդ ընթացքում ամառային արձակուրդներ էին, իսկ շենքում աշխատող բանվորներն էլ այդ պահին այնտեղ չէին:
Այս դեպքը դպրոցների փլուզման առաջին նախադեպն է, սակայն դա արդեն կառավարությանը զգոնության ազդակ էր, որպեսզի շատ ավելի գործուն միջոցներ ձեռնարկվեն դպրոցների շենքերը կա՛մ ամրացնելու, կա՛մ նոր շինություններ կառուցելու համար:
Կարդացեք նաև
Թագուհի ԱՍԼԱՆՅԱՆ
Հոդվածն ամբողջությամբ՝ «Հայոց աշխարհ» թերթի այսօրվա համարում
