Մայիսի 27-ին Ավան եւ Նոր Նորք վարչական շրջանների ընդհանուր իրավասության դատարանը՝ դատավոր Արմեն Վարդապետյանի նախագահությամբ, հրապարակել է Երեւանի երեք մանկապարտեզներին օգտագործման համար անթույլատրելի թռչնամիս մատակարարած Էդվարդ Մխիթարյանի պատիժը: Մանկապարտեզներին քացախաթթվով եւ կալիումի պերմանգանատով մշակած հավեր մատակարարողին դատարանը տուգանել է ընդամենը 500 հազար դրամի չափով:
Aravot.am-ի հետ զրույցում կրթության փորձագետ Անահիտ Բախշյանը կատարվածը անբարոյականություն որակեց՝ ասելով. «Էդ հավերով պետք է դատավորներին կերակրել»:
Անահիտ Բախշյանը տարակուսած է. «Ես երբ կարդացի այն մասին, որ Նոր Նորք վարչական շրջանի թիվ 101, 116 եւ 118 մանկապարտեզներին վտանգավոր ու փտած հավամթերք մատակարարողին ընդամենը տուգանել են, ապշեցի: Համոզված էի, որ մեր երկրում արդարադատություն չկա, օրենքի առաջ հավասարություն չկա, ուժեղի մոտ միշտ էլ թույլն է մեղավոր, բայց որ այս աստիճան այլանդակություն լինի, երեխաներին թունավորող կազմակերպությունը «պլստա» 500 000 դրամով, չէի սպասում…Այսքանից հետո իշխանություններին սազում է ասել՝ ամեն ինչ»:
Գոհար ՀԱԿՈԲՅԱՆ
Կարդացեք նաև
Լուսանկարը՝ armlur.am-ի
