Կառավարության այսօրվա նիստում վարչապետ Հովիկ Աբրահամյանն անդրադարձավ ԱԺ նախկին պատգմավոր Հակոբ Հակոբյանին (Ճոյտ) պատկանող գազալցակայանում երեկ տեղի ունեցած պայթյունին, ինչի հետևանքով վիրավորվել էր չորս մարդ:
Վարչապետը տարածքային կառավարման և արտակարգ իրավիճակների նախարար Արմեն Երիցյանից հետաքրքրվեց, թե ինչ ուսումնասիրություններ կան այս մասով:
«Տվյալ գազալցակայանը վեց ամիս առաջ տուգանվել է մեկ մլն դրամով, այնտեղ եղել են բազմաթիվ թերություններ, որոնք պետք է վերացնեին, սակայն չեն արել»,- ասաց Երիցյանը:
Նախարարն ասաց, որ հանձնարարվել է ակտիվացնել աշխատանքները բոլոր գազալցակայանների հետ, որտեղ կհայտնաբերվեն թերություններ: «Եթե անհրաժեշտ լինի, ապա կդարարեցնենք դրանց գործունեությունը»,- ասաց Երիցյանը:
Կարդացեք նաև
Հովիկ Աբրահամյանը հանձնարարեց խստացնել անվտանգության ռեժիմները:
Նելլի ԲԱԲԱՅԱՆ
