Մասիս քաղաքի փողոցներով անցնելիս հավատդ չի գա, որ ապրում ես 21-րդ դարում: Քարուքանդ ճանապարհներ, որոնցով երթեւեկելն իսկական հերոսություն է: Միայն քաղաքի կենտրոնական փողոցն է բախտի բերմամբ «կարկատած», այն էլ պատճառը ՀՀ նախագահի աշխատանքային այցն էր Արարատի մարզ: Հենց այդ ճանապարհով է անցել, այդ պատճառով էլ փոքր-ինչ տեսքի են բերել: Առավել զավեշտալի է այն, որ փողոցի դժվարանցանելի հատվածը առանձնացնելու համար ափսոսացել են անգամ ժապավեն օգտագործել, այլ դա արել են եղեւնու չորացած ճյուղերով:
Լուսանկարը՝ ՏԱԹԵՎ ՀԱՐՈՒԹՅՈՒՆՅԱՆԻ
«Առավոտ» օրաթերթ
26.05.2015
