Անցյալ տարի ամանորի շեմին ՀՀ մշակույթի նախարար Հասմիկ Պողոսյանը աշխատանքից ազատել էր մի քանի աշխատակցի, որոնց թվում էր նաեւ ՀՀ մշակույթի նախարարության ժամանակակից արվեստի վարչության պետ, նախարարության «հնաբնակ» Սեյրանուհի Գեղամյանը (լուսանկարում): Չնայած սրան, վարչության՝ արդեն նախկին պետը ամենուր հայտարարում է, որ իր դիմումի համաձայն է ազատվել: Տիկին Գեղամյանը պարզվում է՝ այժմ էլ աշխատանքի է անցել Սփյուռքի նախարարությունում՝ որպես Հրանուշ Հակոբյանի հերթական մամուլի քարտուղար:
Aravot.am-ի հետ զրույցում Սեյրանուհի Գեղամյանը չհամաձայնեց, թե իր կարգավիճակը փոխվել է՝ վարչության պետից մամուլի քարտուղար դառնալով: Ասաց, որ ոլորտն իրեն հոգեհարազատ է: «Առաջարկեցին, ես էլ մտածեցի Սփյուռքն ինձ հոգեհարազատ է, քանի որ 17 տարի Սփյուռքի հետ մշակութային կապերի կոմիտեում եմ աշխատել, մտածեցի՝ կարող եմ օգտակար լինել: Կարեւորը սիրես գործդ եւ գործիդ տալիք ունենաս»,-ասաց մամուլի նոր քարտուղարը:
Գոհար ՀԱԿՈԲՅԱՆ
Հեղինակը լավ է գրել՝ <>: Ինքւ հերթական մամուլի քարտուղար, Հրանուշ Հակոբյանն էլ՝ նրա հերթական նախարարը: Երկուսն էլ <> չեն: