Երեկ Մոսկվայում Ադրբեջանի եւ Ռուսաստան ԱԳ նախարարների հանդիպման ընթացքում, հնարավոր է, նախնական պայմանավորվածություններ են ձեռք բերվել, որոնք կարող են Լեռնային Ղարաբաղի հակամարտության լուծմանն ուղղված Մեծ խաղաղության համաձայնագրի պատրաստման սկիզբ հանդիսանալ: Այս մասին, ըստ ադրբեջանական Aze.az կայքի, հայտարարել է Հարավային համալսարանի դասախոս Ֆիրկետ Սադիխովը:
«Պարզ է նաեւ մեկ ուրիշ բան. շատ կարեւոր է, որ Մոսկվան ճնշում գործադրի իր ռազմավարական գործընկեր Հայաստանի վրա: Հակառակ դեպքում որեւէ քաղաքական արդյունք սպասելը անիմաստ կլինի: Այնուամենայնիվ հստակ առաջընթաց է նկատվում երկրների փոխըմբռնման մեջ»,- մասնավորապես ասել է նա:
Քաղաքագետի խոսքերով՝ Ադրբեջանի ԱԳ նախարարի այցը Ռուսաստան եւ գործընկերոջ հետ հանդիպումը, ըստ էության, ռուս-ադրբեջանական այսօրվա հարաբերությունների ձեւաչափում են տեղավորվում. «Հասկանալի է, որ Ադրբեջանի գլխավոր խնդիրը եղել եւ մնում է Լեռնային Ղարաբաղի հակամարտությունը եւ Ռուսաստանից, որպես Հայաստանի ռազմավարական գործընկեր, շատ բան է կախված»:
Պատրաստեց Աշոտ ԻՍՐԱԵԼՅԱՆԸ
