Հունիսի 12-28-ը Բաքվում կկայանան առաջին եվրոպական խաղերը: Ադրբեջանում այդ խաղերի ջահի երթը շոու է դարձել: Ադրբեջանցի լրագրողները մեզ հայտնեցին, որ երկրի ամեն շրջանում ջահի երթի ժամանակ պետական հիմնարկների աշխատողներին ստիպում են գնալ-կանգնել ճանապարհի եզրին, չենթարկվելու դեպքում նրանց կազատեն աշխատանքից: Ամեն քաղաքում սցենարը նույնն է՝ Հեյդար Ալիեւի անունը կրող պողոտայով ջահակիրը վազում է դեպի Հեյդար Ալիեւի անվան պուրակ կամ հրապարակ:
Ադրբեջանցի լրագրողների վկայությամբ՝ եվրոպական խաղերի համար մարզահրապարակներ եւ այլ շինություններ կառուցելու համար արդեն ծախսվել է ավելի քան միլիարդ դոլար, ինչը նավթի համաշխարհային գների նվազման պայմաններում անտեղի շռայլություն է համարվում: Ադրբեջանի իշխանությունները հայտարարել են,որ հոգալու են այդ խաղերին 50 երկրների 6000 մարզիկների Բաքու մեկնել-վերադառնալու եւ Բաքվում կեցության ծախսերը:
Լուսանկարը՝ 1news. az-ի
Ոսկան ՍԱՐԳՍՅԱՆ
Թե չէ ստեղ նույն բանը չեն անում պետական միջոցառումների ժամանակ: