ԿԳ նախարար Արմեն Աշոտյանը այսօր կայացած մամուլի ասուլիսին պատասխանել էր նաեւ ֆեյսբուքյան իր էջի միջոցով իրեն ուղղված հարցերին:
Օրինակ ԱԺ «Ժառանգություն» խմբակցության պատգամավոր Թեւան Պողոսյանը հետաքրքրվել էր՝ ի՞նչ է նշանակում նախարարի այն արտահայտությունը, թե Լոմոնոսովի անվան համալսարանի մասնաճյուղը քաղաքական նախագիծ է:
Արմեն Աշոտյանն ասաց, որ Հայաստանը Եվրոպական կրթական տարածքի անքակտելի մաս է, ու ինչ վերաբերում է Լոմոնոսովի անվան համալսարանի մասնաճյուղին, այն իսկապես քաղաքական նախագիծ է եւ տարբեր վարկանիշներով՝ աշխարհի 100, 200 կամ 25 լավագույն բուհերի թվում է:
Նախարարի խոսքով, այդ բուհը խթանի կրթական ծրագրի արդիականացումը, կստեղծի լրացուցիչ աշխատատեղեր. «Չեմ կարծում, որ այն հակակրթական է եւ հակաքաղաքական»:
Կարդացեք նաև
Նա նաեւ հավելեց, որ ընդգծելով ԵՊՀ հատուկ կարգավիճակը, առանձնացնելով իր հարազատ բժշկական համալսարանը, այնուամենայնիվ մնում է մրցակցության կողմնակից եւ ընդհանուր որակի պատասխանատու:
Անդրադարձ եղավ նաեւ նաիրիտցիների ուսանող զավակների ուսման վարձերին, նախարարն ասաց, որ դրանք կհետաձգվեն ու խորհուրդ տվեց նման հարցերով դիմել ուղիղ ԿԳ նախարարությանը:
Գոհար ՀԱԿՈԲՅԱՆ
