Ռիգայում ընթացող «Արեւելյան գործընկերության» գագաթնաժողովի հայտարարության նախագծում չկա Հայաստանի, Ադրբեջանի, Վրաստանի, Բելառուսի, Մոլդովայի եւ Ուկրաինայի Եվրամիությանը անդամակցության վերաբերյալ խոսք:
Բրյուսելի «Euobserver» կայքի փոխանցմամբ՝ գագաթնաժողովի հայտարարությունում նշված է, որ մասնակիցները ճանաչում են հետաքրքրված գործընկերների եվրոպական ձգտումները եւ եվրոպական ընտրությունը: Անդամակցության մասին խոսք չկա:
Դրա հետ մեկտեղ «Euobserver»-ի ԵՄ-ի ղեկավարությանը մոտ կանգնած աղբյուրը հայտնել է, որ գործընկերության առաջատար երկրների ղեկավարները պարզ հասկացրել են, որ «Արեւելյան գործընկերության» մասնակիցների հաշվին ԵՄ-ի ընդլայնում այսօր չի դիտարկվում, սակայն ապագայում ոչինչ չի բացառվում:
Հիշեցնենք, որ նախօրեին Գերմանիայի կանցլեր Անգելա Մերկելը նույնպես հայտարարել էր, որ «Արեւելյան գործընկերության» ձեւաչափը ԵՄ-ի ընդլայնման գործիք չէ:
Կարդացեք նաև
Պատրաստեց Աշոտ ԻՍՐԱԵԼՅԱՆԸ
