Վահրամ Բաղդասարյան (ՀՀԿ խմբակցության ղեկավար)
– Ոչ թե ՀՀԿ ֆրակցիայի ղեկավարի, այլ քաղաքացի Բաղդասարյանի համար ընդունելի՞ է, որ վարչապետի որդին փորձում է դառնալ քաղաքապետ։
– Ինձ համար կարևոր չէ՝ վարչապետի որդի է, սովորական քաղաքացի է, ինչ-որ պաշտոնյա է, կարևորը տեղական համայնքի կողմից թեկնածուն ընդունված է, դա արդեն բավարար չափորոշիչ է: Համայնքը և ՀՀԿ տեղական կառույցը համոզված են, որ նշված թեկնածուն բավականին ընդունելի է և՛ իր գրավչությամբ, և՛ իր վարքագծով, և՛ իր կարողություններով, այդ իսկ պատճառով առաջադրվել է նա։
– «Գրավչությունն» անչափ գրավիչ էր, բայց, ախր, մյուս կողմից, պարոն Բաղդասարյան, ասվում է՝ Հայաստանը բդեշխությունների է բաժանվում՝ «սա՝ ինձ, սա՝ քեզ, սա՝ Օստապ Իբրահիմովիչին» սկզբունքով, մի մարզը՝ Ծառուկյանենց, մի մարզը՝ Արգամիչենց, մի մարզը՝ Խաչատրյան Սուրիկենց։
Կարդացեք նաև
– Դա ընդամենը լրագրողներիդ կարծիքն է, ուրիշ ոչինչ։ Բնականաբար, եթե առաջադրեինք Սիմոնի տղային, էլի մի բան գտնելու, գալու հարցնելու էիք՝ ինչո՞ւ եք Սիմոնի տղային առաջադրել, որովհետև նա ինչ-որ մեկի «թեկնածուն» է։ Մեզանում չկա այդ մոտեցումը՝ սա այսինչի «մարդն» է, նա՝ այնինչի «մարդը», և ինձ ամենևին հետաքրքիր չեն թեկնածուների հայրանունները, առավել ևս՝ նրանց կեղծանունները։
Կարմեն ԴԱՎԹՅԱՆ
Հոդվածն ամբողջությամբ կարող եք կարդալ «Իրատես de facto» թերթի այսօրվա համարում
