Վարչապետ Հովիկ Աբրահամյանը, ԿԳ նախարար Արմեն Աշոտյանը, ԱԺ ՀՀԿ խմբակցության պատգամավոր Սամվել Ալեքսանյանն այս պահին թիվ 112 դպրոցում են` վերջին զանգի տոնակատարությանը մասնակցելու համար: Սամվել Ալեքսանյանը հենց այս դպրոցի շրջանավարտ է: Aravot.am-ի հարցին, թե լա՞վ եք սովորել, ասաց՝ ինձնից չի՞ երեւում, որ լավ եմ սովորել: Նա վստահեցրեց, որ այնքան լավ է սովորել, որ 6-րդ դասարանից միանգամից տեղափոխվել է 8-րդ դասարան բարձր առաջադիմության համար եւ որպես վկա բերեց իր մինչեւ երրորդ դասարանում դասավանդած ուսուցչուհուն՝ տիկին Մարկոսյանին, ու նրա ազգանունը նույնիսկ սխալ հիշելով՝ ասաց. «Պետրոսյան ջան, ասա, որ ես 6-րդ դասարանից միանգամից 8-րդ դասարան եմ նստել»:
Մանրամասները՝ տեսանյութում
Արփինե ՍԻՄՈՆՅԱՆ
Հարգելի´«Առավոտ»թերթի լրագրող Արփինե,լավ կլիներ նախ ճիշտ տեղեկատվություն տարածեիք:
1.11 դպրոցը ավագ դպրոց չէ,ոչ թե վերջին զանգի արարողություն,այլ վերջին դաս:
2.Խաչքարը Մոնթեի հիշատակին չէր նվիրված:Դուք նույնիսկ չգիտեք ինչ միջոցառում էր:Բայց դրա փոխարեն շտապել եք Սամվել Ալեքսանյանին հիշել:Բավականին տխրեցինք,որ կա Ձեր նման լրագրող,ով գնում է լուսաբանելու միջոցառումը,բայց նույնիսկ չի հասկանում ինչ միջոցառում է:
Արմինե, ինչ տեղեկատվություն գրել եմ, ճշտել եմ դպրոցի աշխատակզամից, իսկ դուք տխրելու այլ բաներ գտեք