Արմավիրի մարզի Ալաշկերտ համայնքի թունավորված 12 երեխաների վիճակը բավարար է: Այսօր կառավարության նիստից հետո լրագրողների հետ զրույցում ասաց առողջապահության նախարար Արմեն Մուրադյանը: Aravot.am-ի հարցին՝ ի վերջո ի՞նչն է եղել թունավորման պատճառը՝ աշխատակցի կողմից սանիտարահիգիենիկ նորմերի խախտո՞ւմը, ոչ մաքուր սպասքը, Մուրադյանն ասաց, որ լաբորատոր քննությունների պատասխանը կլինի վաղը, եւ երբ բացահայտվի թունավորման հարուցիչը, նաեւ պարզ կլինի, թե ինչ ճանապարհով է այն փոխանցվել:
Նախարար Մուրադյանի տեղեկացմամբ՝ այսօր կառավարությունը որոշեց վերացնել մինչեւ 70 միլիոն շրջանառություն ունեցող որոշ օբյեկտների նկատմամբ ստուգման արգելքը. Խոսքը դպրոցների եւ մանկապարտեզների մասին է: Նախարարի վստահեցմամբ՝ նախատեսվում է դպրոցական եւ նախադպրոցական կազմակերպություններում բարելավել խոհանոցային պայմանները, ինչի համար դեռ ուսումնասիրություն պիտի լինի, որպեսզի պարզեն, թե որքան գումար է հարկավոր այդ բարեփոխումների համար:
Մանրամասն՝ տեսանյութում
Նելլի ԲԱԲԱՅԱՆ
