Մայիսի 20-ին ԵԽԽՎ իրավական հարցերի եւ մարդու իրավունքների հանձնաժողովը շարունակել է նիստի աշխատանքը:
Քննարկվել է «Մարդու իրավունքները Հյուսիսային Կովկասում. 1738 (2010) բանաձեւի իրականացման համար անհրաժեշտ միջոցառումները» զեկույցը, որը ներկայացրել է Իռլանդիայի ներկայացուցիչ Մայքլ Մըքնամարան: Հարցի առնչությամբ իրենց ուսումնասիրություններն են ներկայացրել նաեւ ՌԴ ներկայացուցիչներ, «Մեմորիալ» կենտրոնի մարդու իրավունքների հարցերով իրավական գծով տնօրեն Կիրիլ Կորոտեեւը եւ «Ռուսաստանում իրավական նախաձեռնություն» կազմակերպության գործադիր տնօրեն Վանեսա Կոգանը: Քննարկումներ են ծավալվել ոլորտում առկա մի շարք խնդիրների, մասնավորապես մարդու իրավունքների պաշտպանության իրավական մեխանիզմների առանձնահատկության, անհետ կորածների գործերի քննության, կանանց եւ երեխաների իրավունքների ոտնահարման դեպքերի, հավաքների ազատության եւ դրանց ընթացքում ոստիկանության գործունեության վերաբերյալ:
Նիստի մասնակիցները քննարկել են նաեւ «Խաղաղ բողոքի ցույցերի ժամանակ մարդու իրավունքների ոտնահարման կանխման հրատապ անհրաժեշտությունը» ներածական հուշագիրը եւ «Ծանր հիվանդ կալանավորների ճակատագիրը Եվրոպայում» տեղեկատվությունը:
Քննարկվել են նաեւ հանձնաժողովի աշխատանքային գործունեությանն առնչվող մի շարք այլ հարցեր եւս:
Սպառելով օրակարգը՝ հանձնաժողովն ավարտել է նիստի աշխատանքը:
ՀՀ ԱԺ
