Վայք քաղաքի բնակիչ,1996թ. ծնված Նարեկ Սահակյանին մեղադրանք է առաջադրվել այն բանի համար, որ նա հանդիսանալով ՀՀ պաշտպանության նախարարության զորամասերից մեկի զինծառայող, 2015թ. մարտի 26-ին ժամը 7-ի սահմաններում խախտել է ՀՀ ԶՈՒ ներքին ծառայության կանոնագրքի 13-րդ,16-րդ, 65-րդ եւ 158-րդ հոդվածների պահանջները:
Ըստ «Դատալեքս» դատական տեղեկատվական համակարգի՝ Ն. Սահակյանը մեղադրվում է այն բանի համար,որ զինվորական ծառայության պարտականությունների հետ կապված վիճաբանել է իր նկատմամբ պետ հանդիսացող, նույն զորամասի հրաձգային գումարտակի հրամանատար մայորի հետ, որի ընթացքում հայհոյանք տալով եւ ոտքով հարվածներ հասցնելով՝ ծեծի է ենթարկել վերջինիս:
Ն. Սահակյանի նկատմամբ քրեական գործ է հարուցվել ՀՀ քրեական օրենսգրքի 358 հոդվածի 2-րդ մասով, նրա նկատմամբ խափանման միջոց է ընտրվել գրավը: Այս քրեական գործով դատաքննությունը Տավուշի մարզի առաջին ատյանի դատարանի Բերդի նստավայրում նշանակված է մայիսի 22-ին:
Ոսկան ՍԱՐԳՍՅԱՆ
