Ազգային ժողովի նախագահ Գալուստ Սահակյանի թիկնազորի երկու մեքենաները փոխվել են։ Նախկինում դրանք Nissan X- Trail-ներ էին։ Ներկայումս եւս Nissan X- Trail-ներ են, միայն թե՝ յուղը վրան եւ նորագույն մոդելի: Դրանց գինը տատանվում 25-35 հազար դոլարի շրջանակներում։ Այսինքն՝ Գալուստ Սահակյանին ուղեկցող նոր երկու մեքենաների ձեռքբերման համար պետբյուջեից վճարվել է նվազագույնը 50.000 դոլար։ Ազգային ժողովի հասարակայնության եւ լրատվության վարչության պետ Արսեն Բաբայանը պարզաբանման մեջ ավտոմեքենաների փոփոխության պատճառների վերաբերյալ նշել է. «Նշված մեքենաները փոխվել են մաշվածության պատճառով՝ հաշվի առնելով այն հանգամանքը, որ հների պահպանման ծախսերը, տնտեսագիտորեն հաշվարկված, ավելին էին, քան նորերի ձեռքբերումը։ Միաժամանակ նկատեմ, որ նախկին Nissan X- Trail մեքենաները տրամադրված են այնպիսի ծառայությունների համար, որոնց համար նշված մեքենաների շահագործումն ավելի քիչ ծախսեր է պահանջում՝ հաշվի առնելով դրանց ավելի պակաս օգտագործումը»։
Նոր մեքենա է ստացել նաեւ ՀՅԴ խմբակցությունը։ Նախկին Toyota-ն փոխարինվել է Nissan-ով:
Հոդվածն ամբողջությամբ կարող եք կարդալ «Հայկական ժամանակ» թերթի այսօրվա համարում
