Հայաստանի հելսինկյան կոմիտեի նախագահ Ավետիք Իշխանյանը համարում է, որ համայնքների խոշորացման հանրաքվեի արդյունքը հետաքրքրական է:
Հիշեցնենք՝ Տավուշի, Լոռու եւ Սյունիքի մարզերում մայիսի 17-ին տեղի է ունեցել համայնքների խոշորացման հանրաքվե: Ըստ Կենտրոնական ընտրական հանձնաժողովի՝ ի տարբերություն մյուս մարզերի՝ Սյունիքի մարզի բոլոր համայնքները կողմ են համայնքների խոշորացմանը:
Ավետիք Իշխանյանը Aravot.am-ի հետ զրույցում ասաց, որ կարծում է՝ հանրաքվեի արդյունքը կարելի է տարբեր դիրքերից դիտարկել. «Առաջին մոտեցումը, եթե մակերեսորեն նայենք, կարող է լինել այն, որ Հայաստանը ժողովրդավարական երկիր է եւ եթե այդպիսի պատկեր ենք ստանում, նշանակում է՝ ինչքան տարբեր մտածողություն կա»:
Իսկ երկրորդ մոտեցումը, ըստ իրավապաշտպանի, ցույց է տալիս իրականությունը. «Մենք գիտենք, թե ինչ ռեժիմ է հաստատված Սյունիքում իր անփոխարինելի մարզպետով, որին ինչպես ասում են ժողովուրդն այնքան է սիրում, որ անընդհատ նրան տարբեր հարցերով դիմում է: Սա նշանակում է, որ Սյունիքում մարզպետը կարողացել է այնպիսի իրավիճակ ստեղծել, որ հասարակությունը կամքից զրկվել է, ցավոք սրտի: Ես չեմ մեղադրում հասարակությանը, որովհետեւ ցանկացած հասարակությունը կարող է ղեկավարի կողմից ուղղորդվել»:
Կարդացեք նաև
Ամի ՉԻՉԱԿՅԱՆ
Ի՞նչ է նշանակում հոդվածի վերնագիրը: Ի՞նչ է նշանակում հասարակության կամք: Իհարկե հարց ստացվեց, բայց կարո՞ղ է, արդյոք, մի անհատ զրկել մի մարզի բնակչությանը կամքից: