Տավուշի, Լոռու եւ Սյունիքի մարզերում մայիսի 17-ին տեղի է ունեցել համայնքների խոշորացման հանրաքվե:
Ըստ Կենտրոնական ընտրական հանձնաժողովի՝ ի տարբերություն մյուս մարզերի՝ Սյունիքի մարզի բոլոր համայնքները կողմ են համայնքների խոշորացմանը:
ԱԺ պատգամավոր Լեւոն Զուրաբյանը մայիսի 18-ին Aravot.am-ի հետ զրույցում նշեց, որ կատարվածի մեջ հնարավոր է, որ իրենք էլ ունեն իրենց մեղքի բաժինը. «Մենք կարողացանք գնալ միայն Դիլիջանի եւ Թումանյանի շուրջը հավաքված գյուղեր, գյուղապետերի եւ ժողովրդի հետ զրուցել: Մենք ակտիվ քարոզչություն տարանք. Գնացինք, բոլոր մարդկանց հետ խոսեցինք»:
Անդրադառնալով այն հանգամանքին, որ Սյունիքի մարզի բնակիչների 94 տոկոսը կողմ է համայնքների խոշորացմանը՝ Լեւոն Զուրաբյանն ասաց, որ համարում է՝ Գորիս քաղաքը իշխանությունների ընտրակեղծիքների անդրդվելի պաշարն է. «Այնտեղ Լիսկայի գլխավորությամբ արվում են ամենամեծ ընտրակեղծիքները, այնտեղ տեռոր է, այնտեղ ճնշում են ժողովրդին եւ արդյունքները նաեւ դա ցույց են տալիս: Ինչպե՞ս է եղել, որ ամեն տեղ դեմ են տրամադրված, իսկ Գորիսում կողմ են: Նման բան չկա, ուղղակի կեղծել են ընտրությունները եւ ստիպել են քվեարկել իրենց ուզած ձեւով: Սա է կատարվել»:
Կարդացեք նաև
Ամի ՉԻՉԱԿՅԱՆ
