Հաղթեց Արցախի ՀԿ-ն

Մայիսի 19-ին տեղի ունեցավ Հայաստանի երիտասարդական հիմնադրամի՝ որպես ՀՀ նախագահի գործընկեր կազմակերպության կողմից հայտարարված դրամաշնորհների մրցութային հանձնաժողովի նիստը, որի ընթացքում քննարկվեցին և քվեարկվեցին դրամաշնորհային մրցույթի հայտ ներկայացրած հասարակական կազմակերպությունների ծրագրերը։

«Ցեղասպանություն» անվանակարգերում ներկայացված ծրագրերը մերժվեցին, քանի որ դրանց դեմ արտահայտվեցին հանձնաժողովի բոլոր անդամները։ Հայոց ցեղասպանության թանգարան-ինստիտուտի փոխտնօրեն, մրցութային հանձնաժողովի փորձագետ-անդամ Սուրեն Մանուկյանը, մասնավորապես, նշեց, որ ծրագրերում շատ դեպքերում կարելի է հանդիպել մասնագիտական անհամապատասխանություն։ Մարդիկ ներկայացնում են մի ծրագիր, սակայն նախկինում երբեք նման ծրագրի իրականացման փորձ չունեն։

Հանձնաժողովի անդամները նշեցին, որ իրենք պետք է ձեռնպահ մնան սիրողական մակարդակի ծրագրեր ֆինանսավորելուց։ Շատ դեպքերում ՀԿ-ները մոռանում են իրենց հասարակական գործունեության բնույթը, և ծրագրի բյուջեի մեծ մասը հատկացնում են որպես աշխատավարձ։

Մրցութային հանձնաժողովի որոշմամբ՝ մերօրյա հերոսների փառաբանմանն ուղղված անվանակարգում հաղթող ճանաչվեց Արցախում գրանցված «Խորենացի. ազգային և հոգևոր արժեքների ուսումնասիրությունների կենտրոն» հասարակական կազմակերպության ներկայացրած հայտը։

Կարդացեք նաև

Հայաստանի երիտասարդական հիմնադրամի շենքը աճուրդով ձեռք բերեց բժշկական համալսարանը

• 11:14 31.08.2022

Վահրամ Դումանյան. «Չի ասվել, որ բոլոր շենքերը կվաճառվեն, այլ նրանք միայն, որոնք նպատակահարմար չեն լինի գործել որպես բուհ կամ բուհի ինչ-որ մաս». «Հայկական ժամանակ»

• 09:30 31.03.2021

Նոր Հայաստանում, ինչպես նախկին իշխանություններից մնացած շատ ծրագրեր, Երիտասարդ գիտնականների աջակցության ծրագիրը նույնպես առկախվեց. «Իրատես»

• 08:37 23.07.2019

Հայաստանի երիտասարդական հիմնադրամի

հասարակայնության հետ կապերի ծառայություն