Հայաստանում Եվրոպական միության պատվիրակության գրասենյակում անցկացվեց Արևելյան գործընկերության Ռիգայի գագաթաժողովին ընդառաջ տեսակոնֆերանս՝ Եվրամիության բարձրաստիճան պաշտոնյայի մասնակցությամբ: Նշենք, որ հանդիպումն անցկացվեց առանց ձայնագրության (off the record) ձևաչափով: Քննարկմանն անդրադարձ կատարվեց գագաթաժողովի հիմնական նպատակներին: ԵՄ բարձրաստիճան պաշտոնյայի մակարդակով հայտարարվեց, որ Եվրահանձնաժողովն արդեն դիմել է մանդատ ստանալու համար Հայաստանի հարցով:
Դառնալով Ռիգայի գագաթնաժողովից սպասելիքներին՝ ԵՄ պաշտոնյան շեշտեց, որ Ռիգան ևս մեկ առիթ է վերահաստատելու գործընկերների հետ համագործակցության նպատակադրվածությունը: ԵՄ բարձրաստիճան պաշտոնյան հիշեցրեց նաև անցկացրած «դժվար շրջան»-ի մասին ու նաև տեղեկացրեց, որ Ռիգայում որոշում կկայացվի Ասոցացման համաձայնագիր ստորագրած երկրներին հատկացնել 3 միլիարդ եվրո, որոնց մեջ չի մտնում Հայաստանը:
Հարցին՝ հնարավո՞ր է ՀՀ-ԵՄ նոր ստորագրվելիք փաստաթղթում ամրագրված լինեն նաև տնտեսական հարցեր, ԵՄ պաշտոնյան տեղեկացրեց, որ փաստաթղթում ամենայն հավանականությամբ կլինի առևտրի և ներդրումների բաժին, որը ըստ էության կկարգավորի երկու կողմերի ներդրումները:
Եվրամիության բարձրաստիճան պաշտոնյան ևս մեկ անգամ հնչեցրեց բազմիցս հայտարարված այն դիրքորոշումը, որ ՀՀ-ԵՄ հարաբերությունները պետք է լինեն այն տիրույթում, որ չհակասեն ՀՀ-ի՝ ԵՏՄ անդամակցությանը, քանի որ Եվրամիությունը հարգում է Հայաստանի որոշումը անդամակցել այդ միությանը:
Կարդացեք նաև
Տաթև ՀԱՐՈՒԹՅՈՒՆՅԱՆ
