«Շատ երկար ժամանակ է պահանջվելու, որպեսզի իրավունքի գերակայությունն առաջնային դառնա: Բայց, եթե իսկապես ունենք համակարգը զարգացնելու ցանկություն, պետք է սկսել հենց իրավունքի գերակայությունից»,- այսօր խորհրդարանում ընթացող ԵԽԽՎ իրավական հարցերի և մարդու իրավունքների հանձնաժողովի նիստի ժամանակ հայտարարեց արդարադատության նախկին նախարար Գեւորգ Դանիելյանն` ընդգծելով, որ վաղուց ժամանակն է օրենքի գերակայությունից իրավունքի գերակայության անցնելը:
Նաեւ այս իմաստով է Գեւորգ Դանիելյանը կարեւորում սահմանադրական բարեփոխումների գործընթացը: Նա ասաց նաեւ, որ բարեփոխումների փուլում փորձելու են նաեւ արմատական բարեփոխումներ անել, որպեսզի քաղաքական ուժերը կարողանան իրավական ոլորտի վրա ազդեցություն ունենալ:
«Փոփոխություններով փոքրաթիվ քաղաքական ուժերը ևս կարող են իրենց նախագծերը ներկայացնել, որոնք կընդունվեն ընդհանուր թվի 3/5-րդով և սա նշանակում է, որ փոքրաթիվ ուժերի հետ պետք է հաշվի նստեն արդեն մեծաթիվ ուժերը: Դա վերաբերելու է նաև հանրաքվեին: Մինչ այժմ հանրաքվե հրավիրելու իրավունք ունի ԱԺ-ն, ՀՀ նախագահը և մասամբ կառավարությունը: Նոր հայեցակարգով այսպիսի նախաձեռնություն կտրվի նաև քաղաքացիական և փոքրաթիվ քաղաքական ուժերին»,- մասնավորեցրեց նա:
Անդրադառնալով օրենսդրական ակտեր մշակելու հարցին, նա նշեց, թե դրա համար միշտ էլ մասնագիտական ունակություններ են անհրաժեշտ: Նրա խոսքով, միշտ էլ գերատեսչական շահն ունենում է ողջամիտ ակնկալիքներ եւ կոչ ուղղեց խորհրդարանին. «Խորհրդարանին կոչ կանեի քննարկելու մի տարբերակ, որ իրավական ակտերի մշակմամբ զբաղվեին մասնագիտական կենտրոնում, և այստեղ գերատեսչական շահերի չափը կմեղմվեին»:
Կարդացեք նաև
Նելլի ԳՐԻԳՈՐՅԱՆ
Հարգելի լրագրող Գ. Դանիելյանը գլխավոր դատախազ չի եղել, ոչ էլ ՍԴ անդամ է:
Շատ շնորհակալ ենք դիտողության համար: Վրիպակն ուղղված է