Քվեարկությանը շտապող մարդկանց հետ զրուցեցինք, դիլիջանցիները բացասական որեւէ բան չեն տեսնում համայնքների խոշորացման ծրագրի մեջ։ Այլ պատկեր էր Տավուշի մարզի Թեղուտ գյուղում։ Գյուղացիներից մեկը նույնիսկ տեղեկացրեց, որ եթե ծրագիրն անցնի, բողոքելու են. «էդ որ ասում են՝ ուզում են, դա միայն ղեկավարությունը գյուղապետերին զաստավիտ է անում, որ «այո» կբերեք, եթե չէ՝ ձեզ կազատենք աշխատանքից։ Սրանք էլ, իրենց բարեկամներին համոզելով, խաբելով… Ես «ոչ» եմ գրելու։ Ու մենակ ես չեմ, այստեղ բոլորը։ Մի հատ մարդ չկա, որ «այո» ասի, ու գյուղում էլ չկա»։
Այս ծրագրի ամենաբացասական կողմը ո՞րն է՝ ձեր կարծիքով։ «Մեր ջուրը… նախկին դիրեկտորը՝ սովխոզի, երկար տարիներ է արդեն՝ մահացած է, եթե այս ջուրը սարից բերել է, ինքնահոս ջուր է, հիմա Դիլիջանը կգա սչոտչիկը կդնի վրան։ Ջուրը տրաքել է, ո՞վ պետք է շինի, ոչ մեկը։ Ոչ մի անգամ չեն գա հասնի, որ սարքեն։ Սկի մեր գյուղապետը չի կարողանում անի, Դիլիջանի քաղաքապե՞տը պետք է անի։ Գյուղապետերն էլ են դեմ, պրոստը զաստավիտ են արել, վախենում են»։
Գյուղամիջում հավաքված տղամարդիկ ավելի ուժեղ քննադատության ենթարկեցին ծրագիրը։ Նրանք կարծում են, որ եթե գյուղը 25 տարի մեռած էր, հիմա էլ ավելի կմեռնի։ «Սկի Դիլիջանի քաղաքապետն իրանց քաղաքը չի պահում, էլ գյուղն ինչի՞ պետք է պահի։ Ոչ ջուր կունենանք, ոչ զիբիլը կտանեն, ոչ մի գործ չեն անի։ Ոնց որ Դիլիջանի կենտրոնը զիբիլ է, ի՞նչ ասեմ։ Դե որ այդպես է, Ռուսաստանին միանանք, էլի, ինչո՞ւ ենք Դիլիջանին միանում։ Հենա վերեւը սովորել են, իրենք ուտում են, մեզ էլ մի բան չեն տալիս։ Մենք խորթ զավակ ենք աշխարհի, մեզ փայ չկա»:
…Համաձայն Կենտրոնական ընտրական հանձնաժողովի նախնական տվյալների՝ 16 համայնք կողմ է արտահայտվել խոշորացմանը, 6-ը՝ դեմ։ Ամենաշատ դեմ քվեարկած համայնքը Թեղուտին մոտ Հաղարծին գյուղն է, երկրորդ տեղում Թեղուտն է։
Կարդացեք նաև
Սիրան ՀՈՒՆԱՆՅԱՆ
Հոդվածն ամբողջությամբ կարող եք կարդալ «Հրապարակ» թերթի այսօրվա համարում
