Կարեն Ճշմարիտյանն ընդունել է Ճապոնիայի միջազգային համագործակցության գործակալության ներկայացուցիչներին

Մայիսի 18-ին ՀՀ էկոնոմիկայի նախարար Կարեն Ճշմարիտյանն ընդունել է Ճապոնիայի միջազգային համագործակցության գործակալության/ՃՄՀԳ/ Արևելյան և Կենտրոնական Ասիայի և Կովկասի գլխավոր տնօրեն Տոշինոբու Կատոյին և Ուզբեկստանի գրասենյակի ներկայացուցիչ Ֆուկումուրի Դայիսուկիին:

Հանդիպմանը մասնակցել են ՀՀ էկոնոմիկայի նախարարի առաջին տեղակալ Գարեգին Մելքոնյանը, նախարարության ներդրումային քաղաքականության վարչության պետ Վահագն Լալայանը, միջազգային տնտեսական համագործակցության վարչության արտաքին կապերի կոորդինացման բաժնի պետ Հասմիկ Սարգսյանը, ՓՄՁ ԶԱԿ-ի տնօրեն Գեղամ Պետրոսյանը:

Շնորհակալություն հայտնելով երկարամյա արդյունավետ համագործակցության համար, էկոնոմիկայի նախարար Կարեն Ճշմարիտյանը նշել է, որ Հայաստանի կառավարությունը տպավորված է Ճապոնիայի Միջազգային Համագործակցության Գործակալության հետ համագործակցությամբ, մասնավորապես ՓՄՁ, գյուղատնտեսության, առողջապահության, էներգետիկայի, մշակույթի և այլ ոլորտներում:

Որպես համագործակցության լայն հնարավորությունների ուղղություն էկոնոմիկայի նախարարը նշել է ներդրումային համագործակցությունը և ճապոնական խոշոր ընկերությունների մասնակցությունը Հայաստանի Հանրապետությունում իրականացվող կոնկրետ ծրագրերին, մասնավորապես` քիմիայի բնագավառում: Նախարարը համառոտ տեղեկացրել է ճապոնացի գործընկերներին Հայաստանում տնտեսական գործունեություն ծավալելու առավելությունների մասին:

Կարդացեք նաև

«Ոչինչ էլ չի վերջացել, և չի կարող վերջանալ, պատմության անիվը պտտվում է, և մեզնից է կախված՝ կընկնենք այդ անիվի տակ, թե կվերականգնվենք»

• 23:50 02.10.2023

Ադրբեջանի տարածքում «միջազգային երաշխի՞ք։ Այդ ո՞ր երկրներն են, որ կարող են ապահովել «միջազգային երաշխիքներ» Ադրբեջանի ներսում. Կարեն Ճշմարիտյան

• 17:02 29.05.2023

Քանի անգամ պետք է նույն բանը կրկնեն, որ վերջապես ընկալվի, թե որ երկրից, որ կենտրոնից, երբ և ինչ կարելի է ակնկալել, խնդրել, կամ պահանջել․ Կարեն Ճշմարիտյան

• 11:37 18.01.2023

ՃՄՀԳ Արևելյան և Կենտրոնական Ասիայի և Կովկասի գլխավոր տնօրեն Տոշինոբու Կատոն ներկայացրել է Հայաստանի Հանրապետությունում իրականացվող ծրագրերի ընթացքը և առաջիկայում նախատեսվող ծրագրերը:

Երկու երկրների միջև կապերի ամրապնդման տեսանկյունից Տ.Կատոն կարևորել է Հայաստանում Ճապոնիայի դեսպանության բացումը և որպես համագործակցության ընդլայնման միջոց նշել Ճապոնիայում Հայաստանի մասին տեղեկատվության տարածումը, բարձր մակարդակի այցելությունների և սեմինարների անցկացման անհրաժեշտությունը:

Հանդիպման ժամանակ էկոնոմիկայի նախարարն ընդգծել է նաև Հայաստանի և Ճապոնիայի միջև ՓՄՁ ոլորտի համատեղ ծրագրերի շարունակականության կարևորությունը և պատրաստակամություն հայտնել ներկայացնելու հետագա համագործակցության ուղղությունները և առաջնահերթությունները:

ՀՀ էկոնոմիկայի նախարարություն