«Քրեական գործերով տեղեկատվություն ստանալու սկզբունքները» Ծաղկաձորյան քննարկման ժամանակ ՀՀ քննչական կոմիտեի նախագահ Աղվան Հովսեփյանը Aravot. am-ի հարցին, թե ինչ զարգացումներ կան այս տարվա հունվարին Գյումրիում Ավետիսյանների սպանդի գործով, պատասխանեց. «Բոլոր անհրաժեշտ գործողությունները մենք կատարել ու կատարում ենք, որպեսզի գործի հանգամանքները բացահայտվեն: Վստահ եմ , որ գործն ավարտվելուց հետո մանրամասն նույնպես ձեզ կիրազեկենք»:
Ռուսական կողմի հետ համագործակցության վերաբերյալ հարցին ի պատասխան՝ նա նշեց, որ հայկական կողմն ամեն ինչ անում է, որպեսզի մեր իրավասությունների սահմաններում ապացույցներ ձեռք բերի, ռուսական կողմը ՝նույնպես:
Ի դեպ, ռուսական ռազմաբազայի մի շարք սպաներ ենթարկվել են քրեական պատասխանատվության. հարուցվել են քրեական գործեր՝ իրենց ծառայողական պարտականությունների անբարեխիղճ կատարման, չարաշահումների համար:
